ÆæȤÌÚѶ·Ö·Ö²Ê

A Agrupación Estratéxica de ±õ²Ô±¹±ð²õ³Ù¾±²µ²¹³¦¾±Ã³²Ô do Campus Terra da ÆæȤÌÚѶ·Ö·Ö²Ê BioRedes busca achegar e conectar a I+D+i que se desenvolve na sede universitaria luguesa coa contorna produtiva, social e cultural de Galicia a través das rutas xacobeas co proxecto ‘BioReDes fai camiño’, un programa incluído no plan de dinamización do Xacobeo 2021 ‘O teu Xacobeo’ promovido pola Consellería de Cultura e Turismo da Xunta de Galicia e que está estruturado en diversos ‘°ä²¹³¾¾±Ã±´Ç²õ con ciencia’.

Os ‘°ä²¹³¾¾±Ã±´Ç²õ con ciencia’, tal e como se denominan cada un dos roteiros representativos polo sector primario de Galicia organizados ao abeiro do proxecto ‘BioReDes fai camiño’, permitirán o aproveitamento de recursos naturais e culturais das diferentes rutas xacobeas para divulgar o coñecemento e fomentar o turismo científico. Este dobre obxectivo permitirá asemade mellorar as relacións co tecido produtivo e as redes de transferencia de coñecemento e divulgación científica, ademais de impulsar actividades turísticas ligadas á ciencia e respectuosas coa contorna, segundo explicou a profeosra da ÆæȤÌÚѶ·Ö·Ö²Ê na Facultade de Veterinaria de Lugo e investigadora de BioReDes María Isabel Quiroga Berdeal.

O proxecto ‘BioReDes fai camiño’ nace coa idea de facer que os °ä²¹³¾¾±Ã±´Ç²õ de Santiago actúen como fío condutor para dar a coñecer a investigación que desenvolvemos os grupos de investigación agromados en BioReDes, ademais de afondar na conexión coa contorna produtiva, cultural, social e gastronómica de Galicia, relatou a tamén directora do Departamento de Anatomía, Produción Animal e Ciencias Clínicas Veterinarias da ÆæȤÌÚѶ·Ö·Ö²Ê.

O primeiro Camiño con ciencia desenvolverase na capital luguesa o 27 de novembro. Esta acción, que se prolongará ao longo de toda a xornada e na que se agarda a participación de 50 persoas, entre as que figuran investigadores, creadores de opinión (xornalistas e divulgadores), xestores da administración, representantes do sector hostaleiro, profesionais de turismo, escolas de paisaxismo e turismo… permitirá facer unha visita guiada en formato interactivo polo río Rato. Durante este percorrido investigadores de áreas diversas, tales como Botánica, Xeología, Micoloxía ou Edafoloxía, descubrirán moitos dos segredos que agocha o patrimonio natural e etnográfico deste cauce fluvial e da súa contorna.

Unha visita ao Mazo de Santa Comba, na que se poderá apreciar un conxunto etnográfico excepcional, ademais de debater sobre as oportunidades de desenvolvemento económico sostible na contorna de Lugo, unha camiñada guiada por un treito do Camiño Primitivo desde a ponte romana ata a Casa de Saber e a conseguinte visita ao Museo Universitario A Domus do Mitreo son outras das actividades previstas neste primeiro ‘Camiño con ciencia’, que chegará ao seu colofón cun evento gastro-científico-musical no mercado municipal de Quiroga Ballesteros.

Esta xornada gastro-artística, que conta coa colaboración da área de Participación e Servizos para a Veciñanza do Concello de Lugo, incluirá show cookings a cargo de prestixiosos chefs de Lugo que elaborarán propostas gastronómicas con produtos locais de tempada amparados baixo DOPs e IXPS. O programa inclúe asemade catas guiadas de queixos e viños, monólogos científicos, faladoiros e música ao vivo.

I Congreso da Mocidade Investigadora en Produción Primaria e Seguridade Alimentaria

O evento gastro artístico programado no pimeiro ‘Camiño con ciencia’ organizado por BioReDes servirá asemade de acto de benvida a todos os investigadores mozos inscritos para participar no (JIPAS 2019). Este foro de divulgación e debate científico promovido por BioReDes e a Red Inmunogenom da ÆæȤÌÚѶ·Ö·Ö²Ê desenvolverase os días 28 e 29 de novembro na Escola Politécnica Superior de Enxeñaría do Campus de Lugo e prevé congregar investigadores mozos de todo o Sistema Universitario Galego, así como doutros centros de investigación operativos na comunidade galega e noutras localizacións de España e de Portugal. O prazo de neste congreso está aberto ata o 26 de novembro.

O obxectivo deste evento científico é o de crear un foro de análise e debate acaído para que a mocidade investigadora poida presentar as súas pescudas e expoñer os seus traballos de investigación, ademais de intercambiar opinións, debater resultados científicos e mellorar a súas técnicas e habilidades para a presentación e defensa pública dos seus traballos e achegas.

O coordinador de BioReDes e da Red Inmunogenom da ÆæȤÌÚѶ·Ö·Ö²Ê, o catedrático de Xenética Paulino Martínez Portela, sinala que JIPAS 2019 nace coa pretensión de converter en protagonista á mocidade investigadora, ao tempo que aspira a converterse nun espazo de intercambio e de conexión entre os diferentes grupos de investigación que traballan nos ámbitos da produción primaria sostible e de calidade e da seguridade alimentaria en España e Portugal.