ÆæȤÌÚѶ·Ö·Ö²Ê

O investigador Michael Stanley Whittingham, Premio Nobel de Química en 2019 polo desenvolvemento das baterías de ión-litio, visitará a Universidade de Santiago de Compostela do 15 ao 20 de novembro. 

No curso desta visita, e no marco do Programa ConCiencia, impartirá unha conferencia aberta ao público xeral. Será o xoves 17 de novembro ás 19.30 horas no Auditorio Abanca e levará por título 'Os desafíos que enfrontamos para abordar os fenómenos meteorolóxicos extremos globais'

Ademais, o profesor da Universidade de Binghamton participará no Encontro Galego-Portugués de Química, que terá lugar na Facultade de Química da ÆæȤÌÚѶ·Ö·Ö²Ê do 16 ao 18 de novembro.

Michael Stanley Whittingham

naceu en Nottingham (Reino Unido) en 1941. Graduouse e doutorouse en química na Universidade de Oxford, para logo realizar unha estadía posdoutoral na Universidade de Stanford. De alí pasou ao sector privado, nas petroleiras Exxon e Schlumberger ata que, en 1988, se fixo profesor na Universidade de Binghamton, un dos nodos que conforma a Universidade Estatal de Nova York, á que segue vinculado na actualidade e na que foi vicerreitor de investigación e vicepresidente da Fundación de ±õ²Ô±¹±ð²õ³Ù¾±²µ²¹³¦¾±Ã³²Ô.

Codirixiu o estudo do Departamento de Enerxía dos EE.UU. sobre almacenamento de enerxía e dirixe o centro de investigación de almacenamento de enerxía do programa de fronteiras de investigación do Departamento de Enerxía dos EE.UU. en Binghamton.

A súa investigación é un dos mellores exemplos de como un avance científico transformou e está a transformar a sociedade. O almacenamento de enerxía en baterías que se poidan recargar é un dos eixos nos que pivota o funcionamento da sociedade moderna. Nos anos 70 Whittingham deu un paso crucial cara á creación das actuais baterías que todos levamos nos nosos móbiles e outros dispositivos portátiles, e tamén as que se usan nos coches eléctricos. Conseguiu un innovador cátodo nunha batería de litio, feito de disulfuro de titanio, que a nivel molecular tiña espazos que podían acoller os ións do litio, a clave que permite as recargas.

Iso abriu a porta aos posteriores traballos de John B. Goodenough e Akira Yoshino, que completaron o desenvolvemento das actuais baterías recargables de ión-litio e compartiron con Whittingham o Nobel de Química de 2019.John B. Goodenough tivo unha intensa relación docente e investigadora coa ÆæȤÌÚѶ·Ö·Ö²Ê, na que foi investido Doutor Honoris Causa en 2002 a instancia da área de electromagnetismo do departamento de física aplicada.